ألقاك وين ..
كان الفرح قفل مسامات الضياع
غناك مزمار الزمن إرشيف عشق ..
أصوات نغم وتر التراخى موشحات ..
القاك وين ..
من غبت.. ما شرقت شمس
والدهشة ساساق الدروب ..
لي وين تمش...
نار النضال لو تنهبش ..
توقد سنون .. المتعبين
تعقد زفاف آخر ضمير ..
إتباع مقنن بالقرش
ألقاك وين ..
كان التعب ما خت أيدو على جبين تربال
.. يخم رمل الشقا .. المليان غلب ..
دقست قوافلو مع السراب ..
رابط جليد الهم سعن ..
محزوم خشيمو من الصبر..
راجي السحاب ..
نلقاك وين ..
أنا وإنت والنيل والأرض
والبور مشتت متنسى ..
نجامة التعب الكعب ..
ما كان عول ..
ريدى الصبح صفصاف هدير
البر ..
أيامي توب شحاد .. هذاه خم و خم ..
أنا ما لقيتك ليه.. طعم الفراق دم دم ..
ختيتى فوقى الليل .. والليل سقاني السم
أنا خاطري في المطرة ..
ريحة الدعاش
والشم
كان الفرح قفل مسامات الضياع
غناك مزمار الزمن إرشيف عشق ..
أصوات نغم وتر التراخى موشحات ..
القاك وين ..
من غبت.. ما شرقت شمس
والدهشة ساساق الدروب ..
لي وين تمش...
نار النضال لو تنهبش ..
توقد سنون .. المتعبين
تعقد زفاف آخر ضمير ..
إتباع مقنن بالقرش
ألقاك وين ..
كان التعب ما خت أيدو على جبين تربال
.. يخم رمل الشقا .. المليان غلب ..
دقست قوافلو مع السراب ..
رابط جليد الهم سعن ..
محزوم خشيمو من الصبر..
راجي السحاب ..
نلقاك وين ..
أنا وإنت والنيل والأرض
والبور مشتت متنسى ..
نجامة التعب الكعب ..
ما كان عول ..
ريدى الصبح صفصاف هدير
البر ..
أيامي توب شحاد .. هذاه خم و خم ..
أنا ما لقيتك ليه.. طعم الفراق دم دم ..
ختيتى فوقى الليل .. والليل سقاني السم
أنا خاطري في المطرة ..
ريحة الدعاش
والشم
ليست هناك تعليقات :
إرسال تعليق